Zamenhof-ünnep és Évzáró találkozó

Az Egri Eszperantó Centrum/Verda Stelo Eszperantó Klub tisztelettel meghívja az egri (és az Egerben tartózkodó) eszperantistákat a 2018. december 14. napján 17 órától tartandó Zamenhof-ünnepére és év végi összejövetelére.
Helyszín: az Oxford International Nyelviskola C4 szobája (Eger, Bródy S. u. 1.)
Megemlékezés, pohárköszöntő, beszélgetés eszperantó és magyar nyelven. Gyere te is!

Esperanto Centro de Eger/Verda Stelo Esperanto Klubo elkore invitas esperantistojn el la urbo Eger al sia Zamenhof festo kaj Jarfina kunveno, okazigota la 14-an de decembro, 2018, je la 17a horo. Rememoroj, tostoj, babilado esperante kaj hungare. Venu ankaŭ vi!
Loko: ĉambro C4 de Lingvolernejo Oxford International, strato Bródy S. nr. 1.
Pliaj informoj ekhaveblas ĉe la supra e-poŝta adreso (sur la afiŝo) kaj per FB mesaĝilo.

 

Forpasis d-ro István Szabó

Ni malĝoje diskonigas, ke nia amiko, esperantisto de la urbo Eger, iama notario publika en la urboj Eger kaj Füzesabony, d-ro István Szabó (79) forpasis la 22-an de novembro, 2018. Li estis entombigita la 7-an de decembro, 2018, en la tombaro Hatvani, en la urbo Eger.
Ni memoras lin por ĉiam. Ripozu li en paco. Adiaŭ!

Szomorúan tudatjuk, hogy barátunk, egri eszperantista, egykori egri és füzesabonyi közjegyző, dr. Szabó István (79) 2018. november 22. napján elhunyt. Temetése 2018. december 7-én történt az egri Hatvani temetőben. Emlékét mindörökké megőrizzük. Nyugodjék békében. Isten veled!

 

JaJa muzikis en la urbo Eger

Placo Dobó, Eger, la 1an de decembro, 2016.

Pri kio famas la bando JaJa? Ilia nomo venas de la granda hungara poeto (hungara nomordo) József Attila, de la duobla monogramo JA. La bando ludas ĉefe la enmuzikitajn verkojn de József Attila. La repertuaro enhavas proprajn kantojn, kaj ankaŭ la verkojn, versojn de aliaj hungaraj poetoj. Membroj de la bando estas Kormos Katalin Kitti (kantistino), Suha Tamás (gitaro) kaj Várhelyi Zalán (tamburo nomata “cajón” – fraptamburo aŭ kestotamburo). Grava informo, ke unu el ili, Tamás estas esperantisto.

JaJa havis koncerton – okaze de Advento – en la urbo Eger, la 1an de decembro. Ni ĉiuj ĝuis ilian distran koncerton.


YouTube kanalo de JaJa >>

 

La plej altaj konstruaĵoj de Eger, Hungario

Ĉu ekzistas nubskrapantoj en Eger? Kiel altaj konstruaĵoj videblas en la urbo? Jen por vi:

Kompare
– al la plej altaj konstruaĵoj de Hungario:
Baziliko de Esztergom 100 m
Parlamento 96 m
Baziliko Sankta Stefano 96 m

– al la plej alta konstruaĵo de Eŭropo:
The Shard (Rompopeco) en Londono 310 m

– al la plej alta konstruaĵo de la mondo:
Burĝ Ĥalifa en Dubaj, UAE 828 m

Arbo de la jaro en Eŭropo 2013

Praa platano de Eger gajnis la konkurson nomata Arbo de la jaro en Eŭropo – 2013. Tiu ĉi konkurso estis aranĝita ĉijare la trian fojon, la platano havis 14.205 voĉdonojn el la arboj de aliaj ses landoj.

La platano situas sur la tereno de termobanejo de Eger. Laŭ arkivaj datenoj oni plantigis la arbon antaŭ proksimume 250 jaroj. Pro ĝia abunda kaj daŭre vaporanta foliaro la arbo havas enorman akvobezonon, pro tio estis plantita sur la bordo de la rojo Eger, kie hodiaŭ situas la termobanejo. La mikroklimato de la banejo ege subtenas la kreskon kaj evoluon de la platano, ĉar la arbo konstante povas akiri sufiĉan varman aeron el la termobasenoj, kaj ĝin ne ĝenas la damaĝemaj efikoj de la urba ĉirkaŭaĵo (ekz. ellasitaj veturilaj gasoj). Tiu ĉi tre maljuna platanarbo montras vivplenon, prospere ekzistas sen la signoj de pereo. La arbo estas defendata ekde 1978, ĝi viziteblas (kaj atendas vin) en la termobanejo de Eger.